(1942-2000)
റിട്ട.ഫി.ഡബ്ലു.ഡി.സൂപ്രണ്ട് വാസുദേവന് നായരുടേയും റിട്ട.ഹൈസ്ക്കൂള് അദ്ധ്യാപിക ഭാനുമതിയമ്മയുടേയും പുത്രനായി1942-ല് ടി.വി.പുരത്തു ജനിച്ചു. വൈക്കം ബോയ്സ് ഹൈസ്ക്കൂള്,ചങ്ങനാശ്ശേരി എന്.എസ്.എസ്.ഹിന്ദു കോളേജ്, എറണാകുളം മഹാരാജാസ് കോളേജ് എന്നിവിടങ്ങളില് വിദ്യാഭ്യാസം പൂര്ത്തിയാക്കി.കേരളാ യൂണിവേഴ്സിറ്റിയില് നിന്ന് ഒന്നാം ക്ലാസോടെ എം.എ {മലയാളം}പാസ്സായി. മഞ്ജേരി, നിലമേല്, പന്തളം, ഒറ്റപ്പാലം, ചേര്ത്തല എന്നീ എന്.എസ്.എസ് കോളേജുകളില് അദ്ധ്യാപകനായിരുന്നു. 1997 മാര്ച്ചില് ചേര്ത്തല എന്.എസ്.എസ് കോളേജില്നിന്നും വിരമിച്ചു.
മംഗളോദയത്തില് ലേഖനങ്ങള് എഴുതിക്കൊണ്ടാണ് അദ്ദേഹം സാഹിത്യ ലോകത്ത് പ്രവേശിച്ചത്. ദേശാഭിമാനിയില് പുസ്തകനിരൂപണം നടത്തിയിരുന്നു. ' പൊറ്റക്കാട്ടിന്റെ കഥാലോകം ' , 'പൊന്കുന്നം വര്ക്കിയുടെ കഥകള് ' , ' സഞ്ചാരസാഹിത്യം മലയാളത്തില് ' ,
' നളചരിതം ( കാന്താരതാരകം ) സംശോധിതപതിപ്പ് ' , ബാലസാഹിത്യകൃതികളായ , 'ചരിത്ര നായകന്മാര് ' , ' ഗുരുദക്ഷിണ ' , 'മാന്ത്രികവിളക്ക് ' , ' മഹച്ചരിതമാല-108 ' എന്നിവയാണ് കൃതികള്. സി.പി.ഐ(എം), പുരോഗമന കലാ സാഹിത്യസംഘം , കേരള ശാസ്ത്രസാഹിത്യ പരിഷത്ത് ,സാഹിത്യ പ്രവര്ത്തക സഹകരണസംഘം, എന്നീ പ്രസ്ഥാനങ്ങളില് സജീവപ്രവര്ത്തകന് .